شەفەق نیوز/ مشعان جبوری، سیاسیە عراقیەگە، وەرپرسایەتی لە داگیرکردن مووسڵ لەلایەن داعش خستە گەردن فەرماندەی گشتی هێزە چەکدارەیل عراق لە ساڵ ٢٠١٤، وئاماژەدا وە فەرماداینی وە کیشانەوەی هێزە ئەمنیەگان لە شارەگە جوور توڵەکردنەوەیگ ئەرا جەنەگەی عراق و ئیران لە هەیشتاگان.
جبوری لە زەنجیرە تویتەگانی ئمڕوو لەبان تویتەر نووساد؛ هاندەرەگان خاوەن بڕیارەگە لە کیشانەوەی هێزە وەرپرسەگان لەبان مقەیەتی مووسڵ و وەجی هێشتنی ئەرا داعش، خوەی وەنیاز ویران کردن شارەگە بوی، جوور تۆڵەکردنەوەیگ لە دانیشتوەیلی ئەوانەگ رازی نەوین بکەفنە پشتگیری وکۆیلایەتی، وهەمیش جوور رازی کردنیگ ئەرا باوەڕ تایفەیی تۆڵەکەر لە پشتینەی رەفتار خەڵک شارەگە لە جەنگەی عراق و ئیران.
جبوری هەمیش وت؛ وەختا مووسڵ کەفت، من ئۆپزسیۆن بویم.. تەنانەت ئەوانەگ لە وەڕیەوبردن دەوڵەتەگە یا لە پەڕلەمان بوین لە سونیەگان نەتوێەنستن نوای فەرماندەی گشتی بگرن لە بڕیار وایانن داعشەیل لە زیندان ئەبوغرێب و کیشانەوەی هێزەیل وەرپرس لەبان مقەیەتی شارەگان، ک دویایی شارەگان داگیر کردن چوینکە تایفەگەرەیل زۆرینە بوین لە ئەنجومەیل نوێنەران و وەزیرەیل.
و لەمەوقەی پرسیار کردن یەکیگ لە چەودێرەیلی لە ماڵپەڕ تویتەر، لەبان وەخت هاتن داعشەیل و رەفتار بڕیگ لە خەڵک مووسڵ، جبوری ئەوە جوور سۆزدارییگ ئاوارتە داناگ، وەرجەیە بچنە ناو دەسمیەتی وەل حکومەتەگەی عبادی ئەرا ئەنجامدان رزگارکردن و سەرکەفتن.
جبوری ئاماژەدا ئەرا ئەوە ک خەڵک مووسڵ ئامەدەبوین ئەرا پێشوازی لە هەرکە لە ستەم و پەلامارەیل رینماییدار هێزەیل غەراوی نه‌جاتیان بیه‌ێ ، تەنانەت ئەگەر شەیتانیش بویە، جوور ئاماژەیگ ئەرا مەهدی غەراوی فەرماندەی ئۆپڕاسیۆنەگان نەینەوا لەو مەوقە.
جی باسە ک ئەو راپۆرتەگ رەسمیه پەڕلەمانی عراقی داناگەی لەباوەت ئاشکراکردن خاوەن هووکارەیل لە کەفتن شار مووسڵ وەدەس ریخریاگ داعش لە حوزەیران ٢٠١٤ ، لە کۆتایی نوری مالکی سەرۆک وەزیر وەرین، و ٣٥ وەرپرس لەبان کەفتن شارەگە وه وه‌رپرس زانی .