نوێسینگه‌ێ جبوری وه‌ده‌ركردن به‌یاننامه‌ێگ و كل كردن كوپیێگێ ئه‌ڕا شه‌فق نیوز وتگه : جبوری ئمڕو له نوێسینگه‌ێ خوه‌ی له به‌غدا له جون ئالن پێشوازی كردگه و هه‌وڵه ناوده‌وڵه‌تیه‌گان ئه‌ڕا پشتگیری كردن عراق له جه‌نگ دژ وه‌داعش وه‌لیا باس كردگه .
جبوری " نه‌خش هیزه‌یل هاوپه‌یمان ناوده‌ڵه‌تی له پشتگیری كردن عراق به‌رز نرخاندگه و ئاماژه وه‌گرنگی چڕتره‌و كردن بوردومانه ئاسمانیه‌گان ئه‌ڕا لاوازه‌و كردن داعش و شكست داینێ كردگه وه‌تایبه‌ت له شوون ڕویداگه ئه‌منیه‌گان ئێ دویاخره له شار ڕومادی.
جبوری له بان زه‌روره‌ت فه‌راهه‌م كردن ده‌رفه‌ت ئه‌ڕا هێزه‌یل مه‌ردمی و عه‌شایر ئه‌ڕا ئه‌وه‌گ نه‌خش خوه‌یان له یه‌كلاوه كردن جه‌نگ له ئه‌نبار ته‌ئكید كردگه و له بان یه‌یش جه‌خت كردگه ك بایه‌د هاوكاری و هه‌ماهه‌نگی وه‌ل هێزه‌یل ئاسایش و هه‌واڵگری عراق بكریه‌ێ.
ئه‌مریكا سه‌ركردایه‌تی هێزه‌یل هاوپه‌یمان ناوده‌وڵه‌تی دژ وه داعش ك له زیاتر له 60 وڵات بێگانه و عه‌ره‌ب له تاوسان پاره‌كه دروس كریا ئه‌كا و یه‌یش ترس وڵاته‌یل هه‌ریمی و ناوده‌وڵه‌تی له‌لێ كه‌فته‌و.
هێزه‌یل هاوپه‌یمان ناوده‌وڵه‌تی یه‌كم بوردومان ئاسمانی خوه‌یان دژ وه باره‌گاگان داعش له مانگ ئاب گوزه‌یشته له عراق ده‌س وه‌پێ كرد و دویاخر كرده‌وه‌گانی وه‌رفراوانه‌و كرد تا سوریه‌یش بگرێگه‌وه‌ر.
ئه‌رك سه‌ره‌كی ئه‌و هاوپه‌یمانی ناوده‌وڵه‌تیه لاوازه‌و كردن هێزه‌یل په‌لامارده‌ر داعشه تا له ڕێ هیزه‌یل عراقی و سوری له ناو بچن.
ج ك