شەفەق نیوز- ئەنبار
سەرچەوەیگ ئەمنی لە ئەنبار، ئمڕوو سێشەممە، خەوەردا وە زەخمداربۊن کوڕیگ وە تەقیان بومبیگ دانریاگ لە جیماگەیل ریخریاگ "داعش" لە قەزای قائیم لە خوەراوای پارێزگاگە.
سەرچەوەگە ئەرا ئاژانس شەفەق نیوز وت، کە "بومبیگ دانریاگ لە جیماگەیل ریخریاگ داعش لە ناوچەی واحات، لە پشت ماڵەیل بیوەژنەیل لە سنوور ناحیەی عبێدی لە قەزای قائیم تەقیەو، کە بۊە مدوو زەخمداربۊن کوڕیگ وەناو سولەیمان عەبد دەحام جەشعەمی، لەداڵکبوی 2010".
دیاری کرد کە ئەو زەخمدارە ئەرا خەسەخانە بریا ئەرا وەرگردن چارەسەر، لە وەختیگ هیزە ئەمنییەیل دەس کردنە رێکارەیلیان لە شوین رویداوەگە.