شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت و لە هەولێر پایتەخت هەرێم کوردستان، جیگر بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە لە بەغداد پایتەخت، رەسیە ١٥٧٨٠٠ دینار عراقی وەرانوەر ١٠٠ دۆلار ئەمریکی.
هەر خود نرخە ک شەوەکی دویەکە چوارشەممە توومار کریا.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٥٩٠٠٠ دینار عراقی، و نرخ سەنینی رەسیە ١٥٧٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش جیگر بوی، ک نرخ فرووشتن ١٠٠ دۆلار ئەمریکی رەسیە ١٥٧٩٠٠ دینار عراقی، و نرخ سەنینی رەسیە ١٥٦٩٠٠ دینار عراقی.