شەفەق نيوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بازاڕەیل بەغداد پایتەخت و هەرێم کوردستان جیگیربوی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت لە رووژەیل جەژن بەسیانە باوجی بڕیگ لە دوکانەیل دەرەیلیان واز کردنە، نرخ فروشتن دۆلار ئمڕوو شەوەکی رەسیە 144000 دینار عراقی وەرانوەر 100 دۆلار ئەمریکی و نرخ سەنینی رەسیە 142000 دینار عراقی وەرانوەر 100 دۆلار ئەمریکی.
لەهەولێر پایتەخت کوردستانیش بۆرسەیل بەسیا تەنیا چەن دوکانیگ وازە ک نرخ دۆلار جیگیربوی، نڕخ فروشتنی رەسیە 143000 عراقی وەراوەر 100 دۆڵار ئەمریکی، و نرخ سەنینی 142000 عراقی وەرانوەر 100 دۆلار ئەمریکی.