شه‌فه‌ق نيوز/ تيم جه‌نگى ئه‌لعه‌باس، ئاشكراى ئه‌وه كرد ك راسپارياگه ئه‌را پاسه‌وانيكردن هه‌ردوگ رێ نخێب و عه‌رعه‌ر.
له‌و باوه‌ته‌و، مه‌يسه‌م زه‌يدى سه‌رپه‌رشيار تيم ئه‌لعه‌باس له به‌ياننامه‌يگ ئه‌را شه‌فه‌ق نيوز وت: سه‌رۆكايه‌تى وه‌زيره‌يل تيمه‌گه راسپاردگه ئه‌را ئى ئه‌ركه، وه‌لێ جيوه‌جيكردنى په‌يوه‌سه وه ته‌واوكردن رێ وشوونه‌يل په‌يوه‌نديكردن ليوايه‌يل تيمه‌گه وه وه‌زاره‌ت وه‌رگرييه‌و.
باس له‌وه‌يش كرد زوورم رێ وشوونه‌يل له‌ى باوه‌ته‌و ته‌واو بويه‌و دوياى ده‌سوه‌پيكردن فه‌رمى ده‌س ئه‌كريه‌ێده پاسه‌وانيكردن ئه‌و ريه‌يله له‌وه‌ر مقه‌يه‌تى له كاروانه‌يل حاجيه‌يل حه‌ج و عومره بيجگه مقه‌يه‌تى له بازرگانيكردن له‌و ريه‌يل گرنگه.