شەفەق نیوز/ دەسەی کەشناسی و زەویلەرزەناسی عراق، ئمڕوو چوارشەممە، راگەیان کە لە ماوەی مانگ نیسان ٩ زەویلەرزە لەناو خاک عراق توومار کریاس، و ١٠ زەویلەرزە لە دەیشت وڵاتەگە نزیک سنوور.
وەگورەی بڵاوکریای زەویلەرزەی عراقی، هاز زەویلەرزەیل لە ناوەین ٢ - ٣.٧ پلە بوینە، وەقویلی ٥ تا ٣٥ کێلومتر.
گورجی زەویلەرزەیل ناو عراق چواریان لە پارێزگای دهۆک بویە، و دووان لە کەرکوک، و دووان لە پارێزگای هەولێر، و یەک زەویلەرزە لە پارێزگای سلێمانی.
زەویلەرزەیل دەیشت عراق لە ئیران و تورکیا بوینە نزیک سنووریان وەرد عراق، کە ٧ زەویلەرزە لە ئیران، و سێ زەویلەرزە لە تورکیا توومار کریا.