شه‌فه‌ق نيوز/ وه‌زاره‌ت ته‌ندروستى عراقى، ئاشكراى تۆماركردن تويشهاتن تازه وه ڤايرۆس كۆرۆنا كرد له 6 پاريزگا له پاريزگايه‌يل عراق.
له‌ى باوه‌ته‌و، سه‌يف به‌در قسه‌كه‌ر وه‌ناو وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: تاقيگايه‌يل وه‌زاره‌ته‌گه جه‌خت له‌بان ته‌شخيسكردن 6 حاڵه‌ت تازه وه ڤايرۆس كۆرۆنا كردنه له پاريزگايه‌يل موسه‌نا و ئه‌نبار و زيقار و نه‌جه‌ف و به‌غدا و ميسان، ك هه‌ر پاريزگايگ حاڵه‌تيگ تازه له‌تى تۆمار كرياگه.
جى باسه، به‌در هه‌ميش وت: وه‌زاره‌ته‌گه گشت رێ وشوونه‌يل خواستيگ وه‌گووره‌ى رينمايه‌يل ته‌ندروستى جه‌هانى له‌وه‌ر گرتگه ئه‌را مامڵه‌كردن وه‌ل حاڵه‌ته‌يل و پيشكه‌شكردن خزمه‌تگوزارى خواست پزيشكى ئه‌را تويشهاتگه‌يل.