شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئاشكراى زه‌خمداربوين دو كارمه‌ند له هيزه‌يل ئه‌منى كرد له ئه‌نجام ته‌قينه‌وه‌يگ له باشوور پاريزگاى كه‌ركوك كيشه له‌سه‌ر له‌ناونى هه‌ولێر و به‌غدا.
ئه‌و سه‌رچه‌وه ئه‌را شه‌فه‌ق نيوز وت: دويه‌شه‌و ديره وه‌ختيگ له ناحيه‌ى رياز له باشوور كه‌ركوك مينيگ له‌چاڵنرياێ ته‌قيه‌سه سه‌ياره‌يگ هيزه‌يل ئه‌منى و دو كه‌س له‌ليان زه‌خمدار كردگه.
له‌لايگ تره‌و، ده‌زگاى پزيشكى دادوه‌رى له شار موسڵ پايته‌خت ناوچه‌يى پاريزگاى نه‌ينه‌وا له باكوور عراق، تۆماركردن دو حاڵه‌ت خوه‌يكوشى ئه‌را دو ژن خسته دروو.
له‌ى باوه‌تيشه‌و، دكتۆر حه‌سه‌ن واسق وه‌ڕيه‌وبه‌ر پزيشكى دادوه‌رى له موسڵ ئه‌را شه‌فه‌ق نيوز وت: ئيچنه هه‌واڵيگ ك له‌لايه‌ن بڕيگ له ماڵپه‌ڕه‌يل درووكانى بڵاو كرياگه دويره له‌ڕاسى و هويچ حاڵه‌تيگ خوه‌يكوشى ئه‌را ژن له موسڵ كويه‌ن تۆمار نه‌كرياگه.