شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە مردن و زەخمداری 3 کەس وە تریشقە وگیان لە دەسدان گەنجیگ وە کارەبا.
سەرچەوەگە وە ئاژانس شەفەق نیوز وت، " ژن وپیاویگ لە ئاوای ناعمە سەر وە قەزای عەلەم لە پارێزگای سەڵاحەدین گیان لە دەسدان وە تریشقە لە نزیک رێنیگ پەس.
لە رویداویگ هەمان شیوە لە ئوای حەزیفی لە دەوروگەرد قەزای عەلەم پیاویگ تویش زەخمداری بوی وە تریشقە لە ناو زەویگ کشاوەرزی.
دیاریکرد "تەرم قوربانیەیل ئەرا فەرمانگەی پزیشک دادوەری کلکریایە زەخمدارەیلەیش ئەرا خەسخانە".
سەرچەوەیگ ئەمنیش لە دیالە خەوەردا لە مردن گەنجیگ وە تەزیان کارەبا گیان لە دەسدایە لە دەوروگەرد ناحیەی عەبارە لە باکوور خوەرهەڵات بەعقوبە.
سەرچەوەگە وەئاژانس شەفەق نیوز وت، " گەنجیگ گیان لە دەسدایە وە تەزیان کارەبا لەناو ماڵەگەی لە ئاوای جەزائر سەر وە ناحیەی عەبارە"، وتیش " تەرم قوربانیەگە ئەرا پزیشک دادوەری کلکریایە و دەسڵاتدارەێل ئەمنی لێکۆڵینەوە لە رویداوەگە وازکردنە"