شەفەق نیوز ـ بەغداد

دەسەی گشتی کەشناسی، ئمڕوو شەممە، مەزەنەکرد کاریگەری نزمە پەستان روکەش وەردەوام بوود، دیاریکرد کەشوهەوای تاوسان ها ناوەین گەرم و گەرمی تونیگ لەماوەی وەختەیل رووژ، وەرد کەشیگ رووشن و دەرکەفتن ئەور لە ناوچەیل ناوڕاس و باکوور.

دەسەگە لە راپۆرتیگی کە ئاژانس شەفەق نیوز وەدویاچگن ئەرایکردیە راگەیان، پلەی گەرمی کەمیگ بەرزەوبوین وەخوەی دوینێد بەراورد وە دویەکە، وە یەک تا دوو پلەی سەدی.

دەسەگە بەرزترین پلەی گەرمی ئمڕوو شەممە بڵاوکردیە کە وەیجویرەس: بەغدا 48 پلە، دهۆک 43، هەولێر 46، سلێمانی 43، کەرکوک 48، سەلاح الدین 47، دیالە 48، ئەنبار 46، کەربەلا 47، بابل 48، واست 49، نەجەف 48، دیوانیە 48، میسان 49، زیقار 50، موسەنا 49، و بەسرە 49 پلە.

لە گوزەشە پسپۆر پیسبوین تیش و ژینگە ئیقبال لەتیف، دویەکە "لەڕی ئاژانس شەفەق نیوز راگەیان رێکارەیل دەسوەنی وەربگرن ئەرا کەمەوکردن وەخت دەوم فەرمی لەماوەی بەرزەوبوین پلەی گەرمی، هووشداریدا لە بەرزەوبوین پلەی گەرمی و زیایبوین کاریگەری زەردمەنەیل و کەمەوبوین تیشک ئۆزۆن.