شەفەق نیوز/ دەزگایل ئەمنی لە پارێزگای سەڵاحەدین، ئمڕوو سێشەممە، ئاشکرای هویردەکاری تاوان نادیاریگ لە قەزای سامەڕا کرد.
سەرچەوەیگ ئەمنی ئەرا ئاژانس شەفەق نیوز وت: تیمیگ لە نویسینگەی دژەتاوان سامەڕا توەنست تاوان کوشتن ژنیگ وەدەس براگەی ئاشکرا بکەێد، ئەوەیش لە بنەمای زانیاری و لێکۆڵینەوەی ئەمنی خەسیگ.
سەرچەوەگە دیاری کرد ک هیزیگ هاوبەش لە سەرایای سەلام و پولیس و لێکۆڵینەوە توەنستن توومەتبار (ع،ح،ا) دەسگیر بکەێد، و وەزوان خوەی ئاشکرا کرد ک چیەسە ناو ماڵ خوەشکەگەی و لەناو ماڵەگەی وە لەچگ سەری کوشتیەسەی، و تەرمەگەی لە زەوییگ کشتوکاڵی ناسە خاک، وەبی ئاشکراکردن هاندەرەیل تاوانەگە.
وتیش: توومەتبارگە وەگورەی مادەی ٤٠٦ لە یاسای سزادان عراقی بەندی کریا، و لێکۆڵینەوە وەگەردی وەردەوامە.