شەفەق نیوز ـ سەڵاحەدین
سەرچەوەیگ ئەمنی، ئمڕوو سێشەممە، خەوەردا لە مردن ناخاڵەیگ کە تویش شکەنجە بویە لە کویچەی جمهوری لە قەزای دوزخورماتو خوەرهەڵات پارێزگای سەڵاحەدین، هێزە ئەمنیەیل باوگ و خاڵوی وە مدوو رویداوەگە دەسگیرکردن.
سەرچەوەگە وە ئاژانس شەفەق نیوز وت، هێزەیل ئەمنی لێکۆڵینەوەی فراوانیگ لە چوینیەتی تاوانەگە وازکردن، و تەرم قوربانیەگە کە لەداڵگبوی 2010ەس ئەرا پزیشک دادوەری کلکردن ئەرا تەواوکردن رێکارەیل یاسایی.
سەرچەوەگە وتیش: وەپای زانیاری سەرەتایەیل رویداوەگە پەیوەنی دیرێد وە وەردەوەردیگ دارایی لە ئەنجام سەنین و فرووشتن لەناو بازی ئەلکترۆنی "PUBG"، دووپاتکرد زانیاریەیل هێمان هانە ژیر لێکۆڵینەوە هویچ راگەیاننیگ فەرمی وەلاین دەزگا ئەمنیەیل یا دادگا نەیریاس.