شەفەق نیوز/ سایت رووژنامەی "زە ناشيوناڵ" ک وە زوان ئینگلیزی دەرچوود، وت: دەسەڵاتەیل عراق مەزەنە کردن ک پەیای تابلۆیگ ئەرا شیوەکار ئیسپانی جەهانی بابلۆ بیکاسو کردنە، هەنای وەشکینیگ جیوەجی کردنە لە کاریگ پەیوەندی وە دژە هووشبەری دیرێد لە پارێزگای دیالە.

راپۆرتەگە ک ئاژانس شەفەق نیوز ئەڵگەردانی کرد وت  ئەو تابلۆی هونەریە ک پەیای کریا، ئەرا راسە هن بیکاسو بوێە، هاتێ نرخەگەی بڕەسێدە مەلیۆنا دۆلار، ئەوەیش لەلای سێ کەس بویە وە بازرگانی هووشبەری دەسگیر کریانە.

راپۆرتەگە دیاری کرد ک تابلۆ هونەریەگە خاس دیار نییە، و قەوراە وباوەتەگەی ئاشکرا نەکریایە.

وەلێ راپۆرتەگە وتیش؛ وەزارەت ناوخۆی عراق وتیە ک ئاشکراکردن تابلۆگە لە ئۆپراسیۆنیگ ئەمنی هاتیە، ک قسەکەر وەزارەتەگە راگەیان کار وەردەوام و خەسە ئەرا نواگردن بازرگانی هووشبەری و پڕۆپاگەندەی و وەکارهاوردنی.

راپۆرتەگە وتیش: یە یەکەم جارە نییە ک تابلۆ پەیا بکریەێد وگومان لەلی بوود ک هن بیکاسوە لە عراق، باوجی لە ئاب ٢٠٠٩ پۆلیس عراق تابلۆی دەگمەنیگ ئەرا شیوەکار ئیسپانی جەهانی بابلۆ بیکاسو لە شار حلە پەیا کرد، مەزەنە کریەێد لە داگیرکردن کوەیت لەلایەن عراق لە ساڵ ١٩٩٠ دزیاگە.

ئی تابلۆە وە ناونیشان "ژینگ رویت" بویە، و وە ووشەی "لۆڤەر" جیواز کریاوێد، وپوول موزەخانەی لۆڤەر پاریسی وەپەو بوی.