شەفەق نيوز- ديالە
وەڕێوەبەر خەستەخانەی ڤێتەرنەری دیالە محمد تمێمی، ئمڕوو پەنجشەممە، ئاشکرایکرد بارودۆخ پەتای تەو خوینوەربوین لە پارێزگاگە دیاریکرد.
تمێمی وە ئاژانس شەفەق نیوز وت "پارێزگای دیالە لەماەی هەفتەی وەرین مردن نوویگ وە تەو خوینوەربوین مناڵیگ 7 ساڵان توومارکرد خەڵک ئاوایگ سەر وە ناحیەی عزێمە لە ئەنجام پەیوەنی راستەوخوەی داشتن وەرد پەس، یەیش وە دویەم حالەت مردن وە بیماریەگە دانرێد لە پارێزگاگە".
وتیش "ئەو حالەتەیل ترەک توومارکریانە 7 گومانلێکریای و دووپاتکریاس لەسەلامەتیان و پەتاگا ئیرنگە کۆنترۆلکریاس لە ناوچەگە پارێزگای دیالە".
دیاریکرد "دەسەی ڤێتەرنەری و تەنروسی هەڵمەتیگ گەپیگ جیوەجیکردنە ئەرا چەودێریکردن ئاژەڵەیل و هووشیارکردن مەردم لەباوەن بیماریەگە و چۆنیەتی مامەڵەکردن وەرد گوشت و دویرکەفتن لە تویشبویەیل بیماریەگە وە کاریگەرییان لەبانیانە یا لەری ئاژەڵەوە گوازێد.