شەفەق نیوز/ وەزارەت تەندروسی عراق، ئمڕوو شەممە، شمارەی زەخمدارەیل ناو خوەینشاندان رەوت سەدر و وەناوچگن ناوچەی خەزرا راگەیان.
وەزارەتەگە لە بەیاننامیگ رەسیە ئاژانس شەفەق نیوز وت: دامەزراوەیلی لە بەغداد ٦٠ زەخمدار وەرگردن، و دووپات لە ئامادەباشی دامەزراوەیل و کادرەیلی کرد ئەرا فریاکەفتن و چارەکردن زەخمدارەیل.
و دیاری کرد ک خەسخانەی یەرموک لەلای کەرخ بەغداد، پیشوازی لە ٢٧ زەخمدار کرد، شەش لەلیان زەخمیان سەختە، و خەسەخانەی کەرامە لە کەرخ پیشوازی لە ٢٥ زەخمدار کرد، زەخمیان ئاسان و ناوڕاسە لە سەختی.
وەزارەتەگە وتیش: خەسخانەی شێخ زاید لەلای رەسافە هەیشت زەخمداری جیاجیا وەرگرد.
هەمیش دووپات لە ئامادەباشی دامەزراوەیل و کادرەیلی کرد ئەرا فریاکەفتن و چارەکردن زەخمدارەیل و پیشکەشکردن گشت ریکارەیل تەندروسی.