شەفەق نیوز/ وەزارەت تەندروسی و ژینگەی عراق، ئمڕوو پەنجشەممە، هەزاران تویشهاتن وە تاسیان لەوەر خوەڵوتوزەگە لە گشت پارێزگایل وڵاتەگە راگەیان.
سەیف بەدر قسەکەر وەزارەتەگە لە بەیاننامیگ رەسیە ئاژانس شەفەق نیوز وت: خەسەخانەیل عراق زیاتر لە ٥ هەزار تویشهاتن وە تاسیان لەماوەی ٢٤ سەعات گوزەشتە توومار کردنە، وتیش: فرەی تویشهاتنەیل چارەسەری وەرگردن و لە خەسەخانەیل دەرچین.
بەدر وتیش: بەغداد پایتەخت تەنیا یەک مردن لەوەر گەردەلویل خوەڵوتوزەگە توومار کرد.