شەفەق نيوز- كەربەلا

فەرمانگەی تەندروسی کەربەلا، ئمڕوو شەممە، بەیاننامەیگ دەرکرد لەباوەت ژەهراویبوین کەسەیلیگ لە پارێزگاگە، دووپات کرد کە لە ئەنجام نزەکردن گاز یەکانەی ئۆکسید کاربۆن بویە.

 فەرمانگەگە لە بەیاننامەیگ رەسیە ئاژانس شەفەق نیوز وت: تویشهاتگەیل لە رویداوەگە ئەرا شار پزشکی بڕیان دویای گومان تویشهاتیان وە ژهراویبیون لە ئەنجام نزەکردن گاز یەکانەی ئۆکسید کاربۆن، و لە وەشکین گازەیل خوین و ئامێر چەودیاریکردن رەفتارەیل ئەوە دەرکەفت، و چەوەڕی دەرئەنجامەیل پزشک دادوەری ئەرا مردگەیل کەیمن. 

   وتیش: رویداوەگە بویە هوکار تویشهان هەفت کەس، دووانیان مردن،   سێیانیان ئیرنگە لە بەش تایبەت لە خەسەخانە خەفتنە و تەندروسییان جیگیرە لەژیر چەودیاریکردن هویردیگ، و دووانیان لە خەسەخانە دەرچگن.

   هەرلیوا، تیمەیل پزشکی لە خەسەخانەی حوسەین لە پارێزگای کەربەلا کەفتنە ئامادەباشی، دویای رەسین دەیان کەس وە ژەهراوی، لەناو رەوشەیل نادیاریگ لە تەندروسی نیگەرانکەرە لە بەشیگیان.

وەرجەیە، سەرچەوەیگ ئەمنی ئەرا ئاژانس شەفەق نیوز وت: خەسەخانەگە زیاتر لە 30 تویشهاتن و. ژەهراوی لە ماوەی شەش ساعەت گوزەشتە وەرگرد، گشتیان لە ناوچەی حسێنیەی باکوور کەربەلا هاتوین.