شەفەق نيوز/ تەمیم بن حەمەد ئال سانی شازادەی قەتەر، ئمڕوو لە بەغداد پایتەخت دەرچگ، وەبی پیشکەشکردن وتارەگەی لە لوتکەی عەرەبی سیوچوارەم، و تەنیا وەرد محمد شیاع سودانی سەرۆک وەزیرەیل عراق نیشت.
وەگورەی ئاژانس خەوەری قەتەر، تەمیم بن حەمەد ئال سانی ئمڕوو لە بەغدای پایتەخت عراق دەرچگ، دویای سەرۆکایەتیکردن شاند قەتەر لە خول ئاسایی سیوچوارەم ئەنجومەن جامیعەی دەوڵەتەیل عەرەبی لە ئاست لوتکە، و ئاژانسەگە باس مدووەیل دەرچگنی نەکرد.
سودانی وەگەرد تەمیم بن حەمەد ئال سانی دانیشت، وەگەرد دەسکردن وە لوتکەی عەرەبی لە بەغداد، وەگورەی بەیاننامەیگ فەرمی لەلایەن نویسنگەی سودانی.
ئمڕوو شەممە، لە بەغداد پایتەخت عراق، دەسکریا وە کارەیل خول سیوچوارەم لوتکەی عەرەبی، وە ئامادەبوین شەش سەرکردەی دەوڵەت و وەرپرسەیلیگ لە دەوڵەتەیل عەرەبی، وەگەرد شمارەیگ لە سەرۆک وەزیرەیل و جیگیر و وەزیرەیل دەیشت کە نوینەرایەتیی دەوڵەتەیلیان کەن لەو لوتکە.
سەرۆک شاند شانشین بەحرەین سەرۆکایەتی خول سیوچوارەم لوتکەی عەرەبی دادە دەس عەبدولەتیف رەشید سەرۆک کۆمار عراق، کە دەسکردن وە کارەیل لوتکەی عەرەبی سیوچوارەم وە سەرۆکایەتی عراق راگەیان.