شەفەق نیوز ـ سەڵاحەدین
تیمیگ پزیشکی لە خەستەخانەی گشتی دوزخورماتو، ئمڕوو شەممە، توەنست گیان مناڵیگ 10 ساڵان رزگار بکەێد کە لە پرۆژە ئاو قەزای دوزخورماتوو تویش خنکیان هاتبوی لە پارێزگای سەڵاحەدین.
سەرچەوەیگ پزیشکی لە خەستەخانەگە وە ئاژانس شەفەق نیوز وت، مناڵیگ لەناو پرۆژە ئاو تویش خنکیان هاتگە، وەرجە ئەوەگ دراریەێد و دەسوەجی ئەرا خەستەخانە کلبکرێد و کە حالەتی سەخت بویە وەرد بڕیان هەناس و بیهووشی.
سەرچەوەگە ئاشکراکرد، کارمەنەیل پزیشکی و پەرەستارەیل دەسوەجی رەسینەس مناڵەگە و فریاکەفتن سەرەتایی کردنە، وە مدوو زویفریاکەفت و مامەلەکردن وەرد حالەتەگە توەنستن هەناسی گلەوبدەن و ژیانی رزگاربکەن.
دیاریکرد، لەدویای جیگیربوین حالەت مناڵەگە ئەرا چەودێری و وەدویاچگن پزیشکی، تیمیگ تایوەت وەردەوامن لە چەودێریکردن بارودۆخ تەندروسیەگەی و رێکار پێویست ئەرا مسۆگەرکردن تەندروسی گیرێدەوەر.