شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە زەخمداری بوین ئەندامەیل ناو ماشینیگ سەربازی لەئەنجام تەقینەوەیگ لە باشوور پارێزگای کەرکوک.
سەرچەوەگە خەوەردا وە ئاژانس شەفەق نیوز، بومبیگ، شەوەکی ئمڕوو، تەقیە وەبان ماشینیگ سەربازی سەر وە سوپا لە قەزای داقوق لە پارێزگای کەرکوک.
سەرچەوەگە وتیش، لە ئەنجام تەقینەوەگە چوار ئەندام تویش زەخمداری جیاواز هاتنە، ئەرا نزیکترین خەسخانە بریان.
هەمیش دەزگایەیل ئەمی لێکۆڵینەوە وازکردنە ئەرا زانستن چوینیەتی رویداوەگە و ئەو لایەنە ک دەس دیرێد لەپشتی، وەپای سەرچەوە ئەمنیەگە.
.