شەفەق نیوز/ سەرچەوەیگ ئەمنی، ئمڕوو دوشەممە، خەوەردا ک پارێزەیگ زەخمدار بۊیە لە ئەنجام تەقین بومب لکیایگ لە شار تکریت.    

 سەرچەوەگە وە ئاژانس شەفەق نیوز وت: بۆمبەگە لە ژیر ماشینیگ لە جۊر جێب دانریاۊێد ک کابرایگ پارێزەر رانێدەی لە جادەی گشتی شار تکریت ناوبەین پارێزگای سەڵاحەدین شەوەکی ئمروو تەقیەو، و بۊیە مدووی زەخمداریی و ئەرا خەسخانە کلکریا.    

دیاریکرد هێزەیل ئەمنی دەوروگەرد شۊن روداوەگە دانز و لێکۆلینەوە واز کردنە ئەرا ئاشکەراکردن بندروس ئامانجەگە.