شەفەق نیوز/ سەرچەوەیگ خۆجێیی لە پارێزگای زیقار، ئمڕوو پەنجشەممە، خەوەردا ک بومبیگ دانریاگ تەقیە ماڵ یەکیگ لە مەدەنیەگان لەناوڕاس شار ناسریە ناوەند پارێزگای زیقار.

سەرچەوەگە ئەرا ئاژانس شەفەق نیوز وت: بومبەگە تەقیە بان ماڵ هاووڵاتی (حەیدەر فنێخر) لەناوچەی حەی شوهەدا لەناوڕاس شار ناسریە ناوەند پارێزگاگە.

وتیش؛ تەقینەوەگە بویە هووکار زەردەیل دارایی گەورایگ لە ماشین یەکیگ لەمیوانەیل ئەو ماڵە.

سەرچەوەگە دووپات کرد ک هێزە ئەمنیەگان لێکۆڵینەوەی فراوانیگ لە رووداوەگە کردنەو ئەرا زانستن ووردەکاریەیلی، ک هاوڵاتیە خاوەن ماڵەگە وت ک هیچ پەیوەندییگ وە خۆپیشانەگان نەیرێد، و دەسی لەناو هیچ گرفتیگ هووزانە نییە.