شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە جیوەجیکردن ئۆپراسیۆنیگ سەربازی (گەورە) ئەرا دەسگیرکردن داواکریاییگ مەترسیدار وە تاوانەیل رفیانو و تاڵانکردن لە پارێزگای زیقار، و دیاری کرد ک ئۆپراسیۆنەگە تا ئیسە وەردەوامە.
سەرچەوەگە ئەرا ئاژانس شەفەق نیوز وت: هیزیگ ئەمنی چیە ناو ئاواییگ لە قەزای ئیسڵاح خوەرھەڵات پارێزگای زیقار ئەرا دەسگیرکردن (تاڵب عەسافی) ک وە بڕیگ تاوان رفانن و تاڵانکردن داوا کریاگە.
سەرچەوەگە دیاری کرد ک هیزەگە وەدڵنگ چەواشە ئۆپراسیۆنەگە جیوەجی کردیە، و کەفتە وەر پەلاماریگ ناکاوی وە گولەی ئاربیجی و یەکیگ لە ئەندامەیل ئەمنی گیانی لەدەسدا و دووانیش زەخمدار بوین.
سەرچەوەگە وتیش: فەرمان سەربازی هات وە کلکردن هیز سەربازی گەورەیگ ئەرا قەزای ئیسڵاح تا ناخڵەی شوین رویداوەگە بیەن و دەسبکەنە چگن وەناو ماڵەیڵ ئەرا دەسگیرکردن ئەو کەس داواکریاگە، دویای چەن ساڵیگ لە وەشوینکەفتنی، و دیاری کرد ک تا ئیسە ئۆپراسیۆنەگە وەردەوامە.