شەفەق نيوز/ سەرچەوەیگ ئەمنی لە بەسرە، ئمڕوو دووشەممە، خەوەردا لە پویچەڵکردن تەقەلای دزیکردن لویلەیل نەفت لە قەزای زوبێر باکوور شارەگە، دویای تەقەکردن کە رەسیە کوشیان یەکیگ لە دزەیل.

 سەرچەوەگە ئەرا ئاژانس شەفەق نیوز وت: هیزیگ لە پولیس نەفت دەسدادەوەر ئەرا وەشوینکەفتن بڕیگ کەس تەقەلای دزیکردن ئاسن لویلەیل نەفت دان.

 وەگورەی سەرچەوەگە، مەفرەزەیگ لە لیوای نۆی فەوج دویەم پولیس نەفت سێ ماشین دی کە لە شوین تاوانەگە بوین، دووانیان مارکەی "كيا بنگو" و ئەوەکە "پیک ئاپ"، پەسا دژی لە ئاسن لویلەیل نەفت لەناوچەی رومێلەی باکوور کەن.

سەرچەوەگە دیاری کرد کە مەوقەی نزیکەوبوین ماشین حکومەتی هن مەفرەزەگە مارکەی"سلفرادۆ"، دزەیل تەقە لەلی کردن، کە چوار گولە رەسیە ماشینە حکومەتیەگە، و وەکوتپڕ مەفرەزەگە تەقە لەلییان کرد، کە گولە داد لە یەکیگ لە ماشینەیل، کیا بنگو، و ئەو دوو ماشینەگە لەو ناوە دەرچگن.

  سەرچەوەگە وتیش: دەسنریا بان ماشینەگە وەگەرد ئاسن دزیاگ، و کەسیگ نەناسیای لەناوی بوی مەوقەی تەقەلای وایینی گولە پشتی گردیە، و لەشوین خوەی مردیە.