شەفەق نیوز/ سەرچەوەیگ ناوخوەیی لە سەڵاحەدین، ئمڕوو پەنجشەممە، خەوەردا لە قورتارکردن دەیان خیزان لەناو چەم دیجلە لەدویای ئەوەگ لەناوکاو گیچەڵ تویش کەشتییگ گەشتیاری بوود لە شار تکریت ناوەند پارێزگاگە.
سەرچەوەگە وە ئاژانس شەفەق نیوز وت، مەفرەزەیل پۆلیس دەریاوانی، دویەشەو، توەنستنە دەیان خیزان قورتاربکەن لە مەترسی خنکیان لەدویای ئەوەگ کەشتیەگەیان تویش گیچەڵ بوود مەوقەی گەشتکردنیان لەناو چەم دیجلە لە دەوروگەرد شار تکریت.
وتیش، ئۆپراسیۆن چووڵکردنیان وە بەلەمەیل سەر وە پۆلیس دەریاوانی کریاگە وەبی ئەوەگ هویچ رویداو یان زەخمداریگ روی بیەێد.
دیاریکرد، ئی کەشتی گەشتیاریە لە چەم دیجلە دەوروگەرد شار تکریت رووژانە پیشوازی لە دەیان خێزان کەێد ئەرا گەشت ئاوی ک خاوەنەگەی ئەزموون کارەگەی لە مەغریبەو ئەرا سەڵاحەدین ناوچەی زلوعیە و تکریت هاوردیە.