شەفەق نیوز/ دۆناڵد تڕامپ سەرۆک ئەمریکا پارچە ڤیدیۆیگ لەبان ماڵپەڕەگەی خوەی لە تویتەر بڵاو کرد، لە پاێشوازیکردن موستەفا کازمی سەرۆک وەزیران عراق لە ماڵ چەرمگ.

نووسینگەی راگەیانن سەرۆک ئەنجومەن وەزیرەیل عراق ئمڕو جمعە بەیاننامەی هاوبەشیگ وەگەرد دۆناڵد تڕامپ سەرۆک ئەمریکا دەرکرد، لە کۆتایی گفتوگۆەیل هاوبەش لە ماڵ چەرمگ.

لە بەیاننامەگە هات: هاوبەشیە ستڕاتیژیەگەی ناوبەین عراق و ئەمریکا لەبان ئارازو هاوبەشیگ لە ئەنجامداین ئاسایش وگەشە بینا کریاگە. وەگەرد یەک، هاوپەیمان ناودەوڵەتی دژوە ریخریاگ داعش، ک ئەمریکا سەرپەرشتیاریی کەێد وەگەرد هێزەیل ئەمنی عراق، توێنست داعش و خەلافەتەگەی ویران بکەێد، و ئیمە وەردەوامیمن لە هەماهەنگی ئەرا دووپاتکردن ک داعش هەڕەشیگ لەبان عراق یا هەر وڵاتیگ تر درەوس نیەکەێد. ئیمە لە نووەو دووپاتکەێمن لە پابەندی دریژ وەختیگ لە هەماهەنگی ئەمنی دووانی، ئەرا بیناکردن توانایل سوپای عراق و ئەرا نواگردن هەڕەشەگان ئەرا بەرژەوەنی هاوبەشمان. هاوکاری ئەمنیمان بنەمایگ دانەێد ئەرا فراوانکردن تەقەلایل هاوکاریمان لە چینەیل ئابووری، و مرۆیی، وسیاسی، ورووشنهویری. پەتای کۆڤید-١٩ دووپات کرد لە گرنگی کارکردن وەگەرد یەک ئەرا بینای عراقیگ گەشەکردگ وئارام، بتوێنێد دەرفەتەیل کار و خزمەت گەل عراق وەدەس بارێد، وجوور هێزیگ پاڵپشت ئەرا ئارامی لە خوەرهەڵات ناوڕاس کار بکەێد. تڕامپ: هێزەیلمان لە عراق ئەرا نواگردن هەر جوولەیگ ئیرانی.. کازمی: ری نیەیمنە دەرسوەردان تورکی