شەفەق نیوز - وەدویاچگن

نرخ تەڵا، ئمڕوو پەنجشەممە، وەگەرد بەرزەوبوین دۆلار داوەزیا، لە ناو چەوەڕێ وەبەرهێنەرەیل ئەرا زانیارییەیل هەڵئاوسان ئەمریکی و مەزەنەیل شوونهاتەیل بڕیار ئەنجومەن یەدەگ فیدراڵی ئەرا هیشتن نرخەیل سوود بی ئاڵشتکردن.

تەڵا لە مامەڵەیل دەستوەجی وە بڕ 0.7% داوەزیا ئەرا 4039.26 دۆلار ئەرا هەر ئۆنسەیگ، لە وەختیگ گرێبەسەیل ئایندەی ئەمریکیا ئەرا تەڵا رادەسکردن کانون یەکەم لە 4051 دۆلار جێگیر بوی.

بەرزەوبوین دۆلار تێچگ تەڵا زیای کەێد ئەرا خاوەن دراوەیل ترەک، لە وەختیگ نرخەیل سوود بەرز سەرنجڕاکیش وەبەرهێنانی کەمەو کەێد لەوەر ئەوەگ ئامرازیگە  دەستکەفت نیەدەێد.

لە باوەت کانزا وەنرخەیل  ترەک، نوقرە 0.7% داوەزیا ئەرا 53.60 دۆلار ئەرا هەر ئۆنسەیگ، و پلاتین وە رێژەی 0.3% ئەرا 1533.50 دۆلار، لە وەختیگ بلادیۆم وە رێژەی 0.7% بەرزەو بوی ئەرا 1017.29 دۆلار ئەرا هەر ئۆنسەیگ.