شەفەق نیوز - وەدویاچگن

نرخەیل تەڵا وە شیوەی کەمیگ، ئمڕوو چوارشەممە بەرزەوبوی، وە پپشتگیری داوەزیان دۆلار ئەمریکی و داوەزیان سوود ئەمارەیل، هاوکات وەرد چەوڕێیکردن وەبەرهێنەرەیل ئەرا ئەنجام هەڵوژاردنەیل نیمەی خول ئەنجومەن نوێنەرەیل ئەمریکا (کۆنگرەس) و زانیارییەیل کارەیل چەوڕێکریاگ.

تەڵا لە مامەڵەیل دەسوەجی بەرزەوبوونیگ وە بڕ 0.1% توومار کرد ئەرا رەسین وە 3931.24 دۆلار ئەرا ئۆنسەیگ، لە وەختیگ گرێبەستەیل ئایندەی ئەمریکا ئەرا رادەسکردن مانگ کانوون یەکەم لە 3941.40 دۆلار جیگیر بوی.

نیشاندەر دۆلار وە بڕ 0.5% داوەزی، کە هیشت تێچگ تەڵا کەمەبوود ئەرا خاوەن پویلەیل ترەک، لە وەختیگ وەبەرهێنەرەیل چەوەڕێ راپۆرت کارەیل نا کشاوەرزی ئەمریکا کەن کە بڕیارە رووژ جومعە دەرچوود، ئەرا گەردین لەدویا هشارەیل بان  ئاڕاستەیل ئەنجومەن یەدەگ فیدراڵی.

لەباوەت کانزا گرانبەهایەیل ترەک، داوەزیانیگ توومار کردن، کە تەڵا  وە رێژەی 1.3% داوەزی ئەرا 49.12 دۆلار ئەرا هەر ئۆنسەیگ، و پلاتین وە رێژەی 1.9% ئەرا 1389.54 دۆلار، لە وەختیگ بلادیۆم وە رێژەی 0.6% داوەزی ئەرا 928.23 دۆلار ئەرا ئۆنسەیگ.