شەفەق نیوز/ بەڵگەنامەیگ واژوو کریاگ لەلایەن تاریق خەلیل ئیبراهیم وەڕیەوبەر دابەشکردن کەهرەبای دیالە، ئەوە سه‌لمنێد ک کەهرەبای لەئیران هاوریاگ ئارام نیە، هەرچەن پابەندی هەس وە بڕین و بارەگان.
له به‌ڵگه‌نامه‌یه‌ك زوینە، ک چاپیگی کەفتە دەس ئاژانس شەفەق نیوز، ئیبراهیم خەوەرداس له قەیران سیستم کەهرەبای دیالە، لە ئەنجام تاوتاو چرکەیی و داوەزین ڤۆڵت لەهێڵ گواستنەوەی وزەی کەهرەبای ئیرانی ( میرساد ٤٠٠ کڤ، سەرپڵ زەهاو ١٣٢ کڤ) هەرچەن جیوەجی بڕانن کریاگە و پابەند وستەیلەگان وە بارەگان.
وەڕیەوبەرەگە هووشداری دا لە مەترسی خراوبوین گواستنەوەکەرە دوەمینەگان، وهەمیش پەککەفتن پڕۆژەیل ئاوەگان، ک وه‌ی نزیكه‌یله بوودە قەیران ئاوی لە پارێزگاگە.
رزا ئەردکانیان وەزیر وزەی ئیرانی، رووژ پەنجشەممە، باس لە واژوکردن گریەبەسیگ كرد ئەرا ماوەی دووساڵ ك ئیران هەناردنەی کەهرەبا ئەرا عراق كه‌ید.