شەفەق نیوز/ سەرچەوەیگ حکومەتی لە دیالە ئمڕوو سێشەممە، ئاشکراکرد لە تووشهاتن زیاتر لە ١٦٠ کەس لە کادرە تەندروسیەگان لە پارێزگاگە وە ڤایڕۆس کۆڕۆنا.
سەرچەوەگە ئەرا ئاژانس شەفەق نیوز وت: سێبەش لەوانەیگ هانە کەرەنتین تەندروسی لە پارێزگاگە، لە کادرە تەندروسیەگانن، ک چاو لە ئاماژەیل نا ئارمیگ دەێد دەربارەی پەتاگە، لە سای بەرزەوبوین هەژمار تووشهاتنەگان و وڵاوەبوینی ئەرا گشت کەرتە وەڕیەوبردنەگان.
هەمیش وت: کادرە تەندروسیەگان و تەندروسی دیالە، رەنج دووقات و جیواز دەن، لەنواگردن پەتاگە، وکەمکردن تووشهاتگەیل و مردگەیل، لەسای نا پابەندی و پاپانەوی چین فرەیگ لە کۆمەڵگاگە.
جی باسە ک بڕ تووهاشتنەگان لە دیالە رەسیە ٨٢٩ تووشهاتگ، وەرانوەر ١٤٦ خاسەوبوی، و ٤٤ مردگ، لەوەخت دیارکەفتن پەتاگە لە ئادار وەرین تا ئیسە.