شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئاشكراى ئه‌وه‌ كرد بۆردومانيگ مووشه‌كى ده‌ورگرد ناوچه‌ى سه‌وز مقه‌يه‌تيكرياى له‌ناوڕاس به‌غداى پايته‌خت كرده‌سه‌ ئامانج.

له‌ى باوه‌ته‌و، سه‌رچه‌وه‌يگ ئاگادار ئاژانس شه‌فه‌ق نيوز كرد، ك سه‌عاته‌يل يه‌كه‌م له‌ ده‌مه‌و شه‌وه‌كى ئمڕوو ده‌ورگرد ناوچه‌ى سه‌وز له‌ ناوڕاس به‌غداى پايته‌خت وه‌ دو مووشه‌ك كاتيوشا بۆردومان كرياگه‌.

سه‌رچه‌وه‌گه‌ هه‌ميش وت: يه‌ك مووشه‌ك كه‌فته‌سه‌ بان باڵه‌خانه‌يگ و باس له‌وه‌يش كرد ئه‌و بۆردومانه‌ ته‌نيا زه‌ره‌ده‌يل ماددى له‌لى كه‌فته‌سه‌وه‌و ده‌وريه‌يل پۆليسيش ده‌سكردنه‌سه‌ گه‌ردين له‌شوون سه‌رچه‌وه‌ى وه‌شانن ئه‌و مووشه‌كه‌يله‌.