شەفەق نیوز/ سەرچەوەیگ ئەمنی لە سەڵاحەدین، ئمڕوو یەکشەممە، خەوەردا لە کوشیان و زەخمداری ٤ مناڵ وە تەقیان بومبیگ دانریاگ باشوور خوەرهەڵات تکریت.
سەرچەوەگە ئەرا ئاژانس شەفەق نیوز وت: یەک مناڵ گیانی لەدەسدا، و سێیانیش زەخمدار بوین، ئەوەیش وە تەقیان بومبیگ کۆنەی داعش لە ئاوای عزیە ناوبەین قەزای بەلەد و ناحیەی ئیسحاقی باشوور خوەرهەڵات تکریت.
وتیش: مناڵەیل لە خیزان بوینە و رویداوەگە مەوقەی بازیکردنیان بویە، وتیش؛ تەرم قوربانیەگە ئەرا پزشک دادوەری بریا، و زەخمدارەیل ئەرا خەسەخانەی گشتی بەلەد.