له‌ى باوه‌ته‌و، وه‌ريه‌وبه‌رايه‌تى په‌يوه‌نديه‌يل و ره‌سانن له‌ به‌ياننامه‌يگ ئه‌را(شه‌فه‌ق نيوز)وت: ده‌زگايه‌يل شاره‌وانى سه‌ر وه‌ ئه‌ميندارێتى به‌غدا وه‌ ريككه‌فتن وه‌ل وه‌ڕيه‌وبه‌رايه‌تى پۆليس ئه‌ميندارێتى به‌غدا ده‌سكرده‌سه‌ گرده‌وكردن باج پيشه‌يى له‌و دوكانه‌يل و ده‌زگايه‌يل بازرگانيه‌ ك كار وه‌ ياساو سيستم شاره‌وانى ئه‌كه‌ن.

وه‌ڕيه‌وبه‌رايه‌تى ناوبرياگ يه‌يش ده‌رخست ك له‌ى هه‌ڵمه‌ته‌ بريگ ناوه‌ند و دوكانه‌يل بازرگانييش داخريانه‌ له‌وه‌ر ئه‌وه‌گ ئه‌و باج پيشه‌ييه‌ له‌ زمه‌تيان مه‌ندگه‌ نه‌يانه‌سه‌ى و له‌وانه‌يش كومه‌ڵگه‌ى وه‌رزشى"عه‌مو بابا"له‌ جاده‌ى ئه‌لنه‌هر له‌ به‌غدا.