یاسری وت: "بانك ناوه‌ندی خوازێ جوور تازه‌ێ 50 هه‌زار دیناری و 100 هه‌زار دیناری چاپ بكا، ئيسه‌يش خه‌ريك هه‌ڵوژانن ئه‌و دیزاینه‌يله‌سه ك له‌لایه‌ن كۆمپانیایل له‌چاپداينه‌و پێشكه‌شێ كريه‌ن".
وتیش: "بڕیار له‌چاپداين ته‌نیا ها له ده‌سه‌ڵات بانك ناوه‌ندی، چوينكه به‌شێگ له سیاسه‌ته‌یل دراو ناكريه‌ێد هویچ لایه‌نێگ ده‌سوه‌رداين له‌تێ بكا"، وه‌هه‌وه‌جه‌يش زانيه‌ێ ك پرۆژه‌ێ له‌چاپداين پويله‌گان ئه‌ڕا ده‌سكاریكردن و ته‌واوكردن هه‌ره‌م دراو عێراقی وه‌ئه‌نجام بڕه‌سێ تا بووده مایه‌ێ زه‌مینه‌سازی ئه‌ڕا جێوه‌جێكردن پرۆژه‌ێ لاوردن سفره‌گان.
ئه‌و وه‌رپرس بانك ناوه‌ندی عێراقیه، دراو عێراق وه دراوه وه‌هێزه‌گان له‌قه‌ڵه‌مدا، وه‌لێ وه قسه‌ێ ئه‌و، وه‌خاتر ئه‌وه‌گ گه‌ورا‌ترین جوور دراوه‌گه جوور 25 هه‌زار دینارییه ك 22 دۆلار ئه‌كا، لێوا له هاوڵاتیه‌يل كردگه له‌جياتی دینار، زیاتر مامه‌ڵه‌يلیان وه دۆلار بكه‌ن.