شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا باوگیگ وە چەقوو دایەس لە مناڵە شیرەخوەرەگەی لەوەر هووکار وردەوردەی خێزانی.
سەرچەوەگە وە ئاژانس شەفەق نیوز وت "خەسخانەی فریاکەفتن قەزای دووزخورماتوو خوەرهەڵات سەڵاحەدین، شەوەکی ئمڕوو مناڵیگ دووساڵان وەرگردیە کە زەخمدارە وە لێدان چەقوو و تەندروسی ناجیگیرە".
وتیش "باوگ مناڵەگە وە چەقوو دایەسە لێ لەووەر وردەوردەی خێزانی و ئەرا شوین نادیاریگ وایە" دیاریکرد "پۆلیس لێکۆڵینەوە لە رویداوەگە وازکردیە و دەسکردیە وە مینەکردن تاوانبار تا دەسگیری بکەن".