شەفەق نيوز– سەڵاحەدین 

پییاییگ لە پارێزگای سەڵاحەدین، ئمڕوو سێشەممە، دویەت ناخاڵەی خوەی کوشت دویای ئەوە کە دەس وە  لویلەی پلاستیکی (سۆندە) لەلی وەشانیە، لەبان ئەوە کە دەر ماڵ ئەرا ئەو برایە واز کردیە کە خیزانەگە نفرەت لەلی کردنە.

  سەرچەوەیگ ئەمنی ئەرا ئاژانس شەفەق نیوز وت: رویداوەگە ئمڕوو لەناو ماڵ خیزانیگ لە یەکیگ لە گەڕەکەیل ناوەند شارەگە بویە، کە باوگە تویڕە بویە و کەس سەختیگ لە دویەتەی وەشانیە تا گیانی لەدەسداس.

سەرچەوەگە دیاری کرد کە ئەو شکەنجەدان باوگە لەبان دویەتە لەوەر ئەوە بویە کە دویەتە هیشتیە ئەو برایە باێدە ماڵەو کە وەرجەیە باوگی لەماڵ دەریکردگە و نەیاشتیە باێدە ماڵەو، وتیش: باوگە لەلایەن پولیس کبریت و لێکۆڵینەوە لە رویداوەگە واز کریا.

   سەرچەوەگە وتیش مەردم لای رویداوە سەرسام بوین، وەگەرد داوای سەختەوکردن سزا لەبان خاوەن تاوانەیل خیزانی، و وەکارخستن بەرنامەی هوشیاریکردن کۆمەڵایەتی ئەرا مقیەتیکردن ژنەو مناڵەیل لەناو خیزانەیل.