شەفەق نيوز/ لە رویداویگ دڵتەزن، نزیک بوی بڕەسێدە کارەساتیگ وەبان هیزانیگ وە تەواوی لە پارێزگای دیوانیە، دویای ئەوە کە باوگیان بەنزین رشانە بان کەسەیل خیزانەگەی تا ئاگریان بەێد، کە رەسین پولیس لە وەخت خوەی تەمەنیگ نوو ئەرایان نویسان.

فەرماندەیی پولیس دیوانیە  هویڕدەکاریەیل ئی رويداوە لە بەیاننامەیگ رەسیە ئاژانس شەفەق نیوز ئاشکرا کەێد، کە وت: دەوریەیل پولیس هەناێ ئاگاداری لە شمارەی تایبەت 911 وەرگردن، توەنستن خیزانیگ وە تەواوی رزگار بکەنر کە باوگیان بەنزین کردوێدە بان ماڵەگە و وەبان کەسەیل خیزانەگەی تا ئاگریان بەێد، تا پولیس دەسگیری کرد و وە کامیرایل هایتیرا توومار رویداوەگە کردن.

وتیش: باوگەگە کریا دەس بنکەیگ پولیس ئەرا لێکۆڵینەوە.