شەفەق نیوز- بەغداد

داتایەیل سەرەتایی بانک ناوەندی عراقی نیشان دان کە هەناردەیل وڵاتەگە ماوەی چارەک یەکەم لە ساڵ 2026 رەسیە 19.55 ملیار دۆلار، لە وەرانوەر هاوردەیلیگ کە رەسیە 10.27 ملیار دۆلار، کە خەرجەیل بارکردن و دڵنیایی لەخوەی گرێد.

 وەپەی خشتەی تەرازوی پۊلداینەیل کە ئاژانس شەفەق نیوز وەدۊای چگ، هەناردەیل نەفت خاو رەسیە 18.64 ملیار دۆلار، و بەرهەمەیل نەفتی 762.2 مەلیۆن دۆلار، لە وەختیگ هەناردەیل ترەک 148.5 مەلیۆن دۆلار تومار کردن.

 هاوردەیل بەشەو بۊن لە ناوەین 1.35 ملیار دۆلار ئەرا کەرت حکومی و 8.92 ملیار دۆلار ئەرا کەرت تایبەت.

 تەرازوی بازرگانی زیایەیگ وە بڕ 10.82 ملیار دۆلار تومار کرد، وەپەی هەژمار بانک ناوەندی کە وەراورد هەناردەیل کەێد وەرد هاوردەیلیگ وە بڕ 8.73 ملیار دۆلار دۊای دۊرخستن خەرجەیل بارکردن و دڵنیایی.

و هەژمار خزمەتگوزارییەیل کوڵهاوردن تومار کرد کە رەسیە 3.39 ملیار دۆلار، کە پۊداینەیلی رەسیە 4.95 ملیار دۆلار، لە وەرانوەر وەرگردنەیلیگ وە بڕ 1.56 ملیار دۆلار.

وداتایەیل زیایەیگ لە هەژمار وەڕیەوچگ نیشان دان کە رەسیە 7.98 ملیار دۆلار.