پەیامنێر ئاژانس شەفەق نیوز راگەیان، ئمڕوو بانک ناوەندی لە زیایکردنی  ئەرا سەنین و فرووشتن دۆلار ئەمریکی، بڕ 278 ملیۆن و 525 هەزار و 332 دۆلار فرووشتیە، کە بانکەگە وە نرخ بنەڕەتی ئاڵوگۆڕی 1305 دینار ئەرا هەر دۆلاریگ ئەرا دۆکیۆمێنتاری و ناودەوڵەتی داپووشی و یەکلاوەکردن ئەرا کارت ئەلیکترۆنی، و وە نرخی  1310 دینار ئەرا یەک دۆلار.

پەیامنێر ئاژانسمان وتیش: فرەی فرووش دۆلار بانکەگە ئەرا قایمکردن باڵانسەیل دەیشت وڵات وەشیوەی (گواستنەوە، قەرز) بویە و بڕ 238 ملیۆن و 120 هەزار و 332 دۆلار بویە، کە وەڕێژەی 96% زیایکردگە ەە بەراورد وە فرووش نەختینەیی کە 6 ملیۆن و  710 هەزار دۆلار بویە.

وتیش؛ شمارەی ئەو بانکەیلە کە دۆلاری کاش سەننە، رەسیەسە ٦ بانک، و شمارەی ئەو بانکەیلە کە وەڵام داواکارییەیل بەرزکردن باڵانسەگە دانەسەو لە دەیشت وڵات رەسیە ١٣ بانک، و بڕ گشتی کۆمپانیایل ئاڵوگۆڕ و دەڵاڵی بەشداربوی لە زیاکردنەگە ٢٠٢ کۆمپانیا بویە.