شەفەق نیوز- بەغداد

داتایەیل نیشاندەرەیل ئابووری ئەرا بانک ناوەندی عراقی، ئمڕوو سێشەممە، ئاشکرا کردن کە بڕ گشتی ئەو دراوە کە لەلایەن بانکەگەوە خریاسە ناو بازاڕەیل ئەرا 111.189 تریلیۆن دینار بەرزەو بۊە تا کووتایی حوزەیران/ یۆنیۆ 2026، وەراورد وە 99.799 تریلیۆن دینار لە کووتایی ساڵ 2025، وە زیایبۊنیگ کە رەسیە نزیکەی 11.4 تریلیۆن دینار.

وەپای ئەو داتایەیلە کە ئاژانس شەفەق نیوز چەوی وەپیان کەفت، پوختەی دراوەگە لە دەیشت بانکەیل لە کووتایی حوزەیران/ یۆنیۆی گوزەشتە رەسیە 101.966 تریلیۆن دینار، لەوەرانوەر 92.560 تریلیۆن دینار لە کووتایی 2025، وە زیایبۊنیگ وە بڕ نزیکەی 9.4 تریلیۆن دینار.

لە وەرانوەر ئەوە، ئەو دراوە کە لەلای بانکەیل هەڵگیریاگە ئەرا 9.223 تریلیۆن دینار لە کووتایی حوزەیران/ یۆنیۆی گوزەشتە بەرزەو بۊ، وەراورد وە 7.239 تریلیۆن دینار لە کووتایی 2025، و وە زیایبۊنیگ کە رەسیە نزیکەی 1.98 تریلیۆن دینار.

 داتایەیل دەسنشان کەنە ئەوەگ دراوەگە لە دەیشت بانکەیل نزیکەی 91.7% لە کۆی گشتی ئەو دراوە دروس کردگە کە دەرکریاگە لە کووتایی حوزەیران/ یۆنیۆ، لە وەختیگ بەش ئەو دراوە کە لە ناو خەزنەیل بانکەیل هەس رەسیە نزیکەی 8.3%، ئەوەگ رەنگدانەوەی وەردەوامبۊن پشتبەسانن ئابووری عراقی وە پلەیگ گەورە لەبان مامەڵەکردن نەقدی لە دەیشت دەزگای بانکی نیشان دەێد.