شەفەق نیوز/ چەکدارەیلیگ نەناسیای، ئمڕوو شەممە، کابرایگ مەدەنی لە پارێزگای میسان کوشتن، و پولیس توەنست جەنگیگ هووزانە لە پارێزگای دیوانیە ناوجی بکەێد، ئەوەیش لە دوو رویداو جیاجیا باشوور عراق.
سەرچەوەیگ ئەمنی ئەرا ئاژانس شەفەق نیوز وت: کابرایگ لە تەمەن سی ساڵان وە چەن گولەیگ وەدەس شوی خوەشکی وە هەڵەو کوشیا، هەناێ دەسداوەر ئەرا ناوجیکردن ناوەین باوگ و کوڕ لەناوچەی حەی شوهەدا ناوڕاس شار عمارە ناوەند پارێزگای میسان، وتیش: هیزیگ ئەمنی رەسیە شوین رویداوەگە و تەرمەگە ئەرا پزشک دادوەری کلکرد، و تاوانکارەگە گرد.
هەمیش لە میسان، سەرچەوەگە دیاری کرد کە هیزیگ پولیس توەنست دویەتیگ لەتەمەن ١٤ ساڵان رزگار بکەێد کە هاتیە خوەی بکوشێد و لەبان پیەڵ یۆگسلاڤی خوەی بخەێدە ناو شەم٦دیحلە ناوڕاس شار عمارە، دیاری کرد کە ئەرا بنکەی پولیس بریا تا لێکۆڵینەوە تەواو بوود.
سەرچەوەیگ ئەمنی ترەک ئەرا ئاژانس شەفەق نیوز وت: هیزەیل ئەمنی لە پارێزگای دیوانیە، قەزای شامیە، توەنستن جەنگیگ هووزانە ناوجی بکەن دویای کوشیان کەسیگ و زەخمداری کەسیک ترەک.
سەرچەوەگە وتیش: هیزەیل ئەمنی وەشیوەی فرەیگ لەو ناوچە بڵاوە بوین تا جەنگەگە دووارەو نەوود.
هەمیش لە دیوانیە، کراکاریگ پاکەوکردن مەوقەی کارکردنی تویش رویداویگ هاتوچو هات.
سەرچەوەگە ئەرا ئاژانس شەفەق نیوز وت: ئەو کراکارە مەوقەی پاکەوکردن جادەیلر ماشین تونیگ تلانەی و گیانی لەدەسدا.