شه‌فه‌ق نيوز/ عاليه نسه‌يف ئه‌ندام ئه‌نجومه‌ن نوێنه‌ره‌يل، جينين بلاسخارت نێرده‌ى نه‌ته‌وه‌يل يه‌كگرتگ له عراق وه ئه‌وه تومه‌تبار كرد ك راسيه‌يل په‌رده‌پووش ئه‌كاو ئه‌شاريده‌يانه‌و، ئه‌ويش له دويا دانيشنى له ئه‌نجومه‌ن ئاسايش ناوده‌وڵه‌تى له‌باره‌ى بارودوخ وڵاته‌گه‌و داوايش له وه‌زاره‌ت خارجيه كرد له‌ى باوه‌ته‌و قسه وه‌ل نه‌ته‌وه‌يل يه‌كگرتگ بكا ئه‌را ئاڵشتكردن نێرده‌گه‌ێ.
نسه‌يف له به‌ياننامه‌يگ وت: بلاسخارت له دويا راپۆرتى ئه‌را ئه‌نجومه‌ن ئاسايش رۆڵ هيزه‌يل سياسى نيشتمانى ك ئيدانه‌ى تون و تيژى كردنه ده‌رهه‌ق وه خوه‌ينيشانده‌ره‌يل ئاشتيخواز و هيزه‌يل ئه‌منى فه‌رامووش كردگه، بيجگه رۆڵيان له ئه‌نجامداين هه‌ڵوژاردنه‌يل پيشوه‌خته له‌وه‌ر جواودانه‌وه‌ى داواكارى خوه‌ينيشانده‌ره‌يل.
باس له‌وه‌يش كرد بلاسخارن ئه‌وه له‌هويره‌و بردگه ك ده‌س له‌و روێداگه‌يله ديرێد ك له عراق ئه‌كه‌فێده‌و، ك ئه‌ويش ئه‌و گه‌نده‌ڵييه‌سه ك وه ده‌سخوه‌شى ئه‌مريكاو ده‌وڵه‌ته‌يل هاوپه‌يمانى روێ ئه‌ياد هه‌ر له‌وه‌خت حكومه‌ت برايمه‌ر تائيسه.