شەفەق نیوز- لەندەن

بڕ بازرگانی ناوەین عراق و بەریتانیا وە رێژەی 17.7% داوەزیا، تا برەسێدە 919 ملیۆن پاوەن ئستەرلینی (نزیکەی 1.21 ملیار دۆلار) لە ماوەی دوانزە مانگ گوزەشتە لە حوزەیران/ یۆنیۆ 2026، وە بەراورد وە هەمان ماوەی ساڵ گوزەشتە، کە داوەزیانیگ وە بڕ 197 ملیۆن پاوەن ئستەرلینی (نزیکەی 259 ملیۆن دۆلار) توومار کرد، وەپای داتایەیل نوسینگەی ئامار نیشتمانی بەریتانیا.

ئەو داتایەیلە کە ئاژانس شەفەق نیوز ئاگاداریان بویە دەرخسن  هەناردەی بەریتانیا ئەرا عراق رەسیەسە 745 ملیۆن پاوەن ئستەرلینی (نزیکەی 980 ملیۆن دۆلار)، کە داوەزیانیگ وە رێژەی 18% و وە نرخ داوەزیان 164 ملیۆن پاوەن ئستەرلینی (نزیکەی 216 ملیۆن دۆلار) توومار کردگە وە بەراورد وە هەمان ماوەی ساڵ گوزەشتە.

هەناردەی بەریتانیا ئەرا عراق دابەش بویە لەناوەین کاڵایل وە نرخ 506 ملیۆن پاوەن ئستەرلینی (نزیکەی 665 ملیۆن دۆلار)، کە 67.9% لە کوو هەناردەیل پیکهاوردیە، و خزمەتگوزاریەیل وە نرخ 239 ملیۆن پاوەن ئستەرلینی (نزیکەی 314 ملیۆن دۆلار)، وە رێژەی 32.1%.

لە وەرانوەر ئەوە، هاوردەی بەریتانیا لە عراق رەسیەسە 174 ملیۆن پاوەن ئستەرلینی (نزیکەی 229 ملیۆن دۆلار)، وە داوەزیانیگ وە رێژەی 15.9%، و وە نرخ داوەزیان 33 ملیۆن پاوەن ئستەرلینی (نزیکەی 43 ملیۆن دۆلار) وە بەراورد وە هەمان ماوەی ساڵ گوزەشتە.

وەپای داتایەیل، خزمەتگوزاریەیل دەسگردنەسە بان 98.9% لە هاوردەیل بەریتانیا لە عراق، وە نرخ 172 ملیۆن پاوەن ئستەرلینی (نزیکەی 226 ملیۆن دۆلار)، لە وەرانوەر دوو ملیۆن پاوەن ئستەرلینی (نزیکەی 2.6 ملیۆن دۆلار) ئەرا کالەیل، کە 1.1% لە کوو هاوردەیل پیکهاوردنە.

یەیش بویە هووکار توومارکردن زیایەیگ بازرگانی ئەرا بەریتانیا وەگەرد عراق کە رەسیە 571 ملیۆن پاوەن ئستەرلینی (نزیکەی 751 ملیۆن دۆلار)، وە بەراورد وە 702 ملیۆن پاوەن ئستەرلینی (نزیکەی 923 ملیۆن دۆلار) لە هەمان وەخت ساڵ گوزەشتە.