شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا بازرگانیگ مادەی هووشبەر  کوڕ خوەی کوشتیە و پۆلیسیگ زەخمدارکرد لەوەخت رویوەرویبوینەوە وەگەرد هێزە ئەمنیەیل  لە قەزای قرنە باکوور پارێزگای بەسڕە لە باشوور عراق.

سەرچەوەگە ئەرا ئاژانس شەفەق نیوز وت "لە ئەنجام رویوەرویبوینەیل بازرگانیگ  مادەی هووشبەر دەسگیرکریا لەدویای ئەوەگ یەکیگ لە ئەندامەیل هێزە ئەمنیەیل تویش زەخمداری سەختیگ کرد لە مەوقەی تەقەکردن لەیەکتری".

سەرچەوەگە وتیش؛ "بازرگانەگە لەناو یەکیگ لە وتاقەیل دەسگیرکریا هەمیش کوڕە 14 ساڵانەگەی وە کوشیاگی لەری چەک باوگی پەیاکریا".

لەرویداویگ ترەک سەرچەوەیگ ناوخوەیی لە کەرکوک وت، گەنجیگ براگەی خوەی وە گوله کوشتیە وە مدوو گیچەڵ خێزانی.

سەرچەوەگە وە ئاژانس شەفەق نیوز وت، برا گەورەی قوربانیەگە لەری چەک دەوانچە تەقەکردیە سێ گولە نایە لەسەر و سینگی لە ئەنجام دەسوەجی کوشیاس" وتیش تاوانەگە لە ناوچەی نەفتی (عەرفە) لەناوڕاس کەرکوک رویدایە".

وەپای سەرچەوەگە "مەفرەزەیل پۆلیس توەنستنە لەماوەی یەک ساعەت لە تاوانەگە تاوانبار دەسگیربکەن، پۆلیس تەرمەگە ئەرا پزیشک دادوەری کلکردیە و تاونباریش بریارە زیندان ئەرا وەردەوامبوین لە لێکۆڵینەوە".