شەفەق نیوز/ سادق عەتیە، پسپۆر کەشناسی لە بەش کەشناسی، ئمڕوو دووشەممە، مەزەنە کرد کەشوهەوای "ناسەقامگیر" لە چەن ساعەت ئاییندە وەردەوام بوود، دووپاتکرد کە بارستە وایگ سەرد کەشوهەوای عراق گرێدەو و وە مدوویەو شەپۆل خوەڵوارین لە فرەیگ شارەیل دروس بویە.
عەتیە وە ئاژانس خەوەری شەفەق نیوز راگەیان، "لە شەوەکی ئمروو دووشەممە وڵاتەگە بارستە وایگ وە پلەی گەرمیی مامناوەن کە لە خوەرئاواوە تێد وە خوەی دییە، کە بەشدارە لە داوەزانن وەرچەوەیگ پلەی گەرما بەراورد وە روژەیل گوزەشتە، یەیش کەشیگ مامناوەن زیاتریگ بەخشییە بەراورد وە روژەیل گوزەشتە وە تایبەت لە ناوڕاس و باکور وڵاتەگە''.
وتیش "ئی ئاڵشتبوین پلەی گەرمیە بویە مدوو سەرهەڵدان جیاوازی گەرمی لە ناوین بارستەی وا مامناوەن و رووی گەرم، کە بەشداربوی لە دروسبوین شەپوول خوەڵ لە چەن ناوچەیگ، وەرد تێکچگن نوڕیین ئاسۆیی لە چەن شارێگ". روشنیکرد "ئی دیاردەیلە لە ماوەیل گواستنەوەی ناوەین بارستە هەوایل ئاسایین و هشارەن ئەرا دینامیزم بەرگەهەوا لەم وەختەی ساڵ".
دیاریکرد، "کەشوهەوای ناجێگیر ئمڕوو بەردەوام بوود، شارە جیاوازەیل سەرتاسەر وڵات وە مدوو تێکچگن کەشوهەوا و جیاوازی پلەیل گەرما بەردەوام تویش زریان تەپوز بوون". مەزەنەکرد "پلەیل گەرما تا جومعەی ئایندە وە ردەوام بوون لە داوەزیان، وەرجە ئەوەگ پلەیل گەرمی لە سەرەتای هەفتەی ئایندە وردە وردە دەسبکەێدە بەرزەوبوین، یەیش بەشیگە لە وەرز راسگانی دەسوەپیکردن تاوسان".
لە درویژەیل قسەیلی وت "وای باکوور خوەرئاوا وەبان فرەیگ لە شارەیل تێد، وەرد چالاکیی وەرچەو لە ناوچەی باشوور و بڕیگ لە شارەیل ناوەڕاس، وەتایبەت شارەیل بیاوانی، تەپوتوز بەرزەوکەێد، کە بوودە مدوو تێکچگن ئاسۆی نووڕستن، لە رووژ سێشەممە و چوارشەممە وا لە گورجی خوەی وەردەوام بوود".