شەفەق نیوز/  دەسەی گشتی کەشناسی و زەویلەرزەناسی، ئمڕوو سێشەممە، مەزەنەکرد،  لەماوەی چەن رووژ ئایندە عراق وەشیوەی وەختانە  کەفێدە وەر بارستە وایگ مامناوەن کە لە ئەروپاوە هاتگە.

وەپای  راپۆرتیگ ئمڕوو دەسەگە "وەگەرد ئاڵشتبوین کەشوهەوا کە ناوچەگە لەلی ژیەد، مانگ ئایار ئمساڵ وە پلەی گەرمی کەمتر لە خوەی ماڵئاوایی کەێد، مەزەنەیل نمونەیل کەشناسی دیاریکەن داوەزیانیگ وەرچەو پلەی گەرمی هەس   لە ماوەی رووژەیل ئایندە کە گشت شارەیل وڵاتەگە وەخوەیەو دویندێ هاوکات وەگەرد چگنە ناو وەشیوەی فەرمی ئەرا ناو وەرز تاوسان.

وتیش "مەزەنەکرێد بارستە وای مامناوەندەگە کە لە ئەوروپاوە تێد کاریگەریەیلی وەبان وڵاتەگە لە رووژ چوارشەممە و پەنجشەممە28-29 ئایار دەسوەپی کەێد، بەشدارە وە داوەزیان چەن پلەیگ پلەی گەرمی لە ناوچە جیاوازەیل، هیلێد کەشەگە زیاتر مامناوەن بوود لە نیمەڕوو  دەمەو گەرم بوود وە دیارکریاگی لە شارەیل باکوور و ناوڕاس وڵات" دەسەگە دیاریکرد، لوتکەی داوەزینەگە رووژ جومعەس، مەزەنەکرێد پلەی گەرمی  5-6 پلەی سیلیزی داوەزێد لە رێژەی تێکرای ساڵ لە وەختیگ جویر ئیسە ە ساڵەگە.

 وەپای مەزەنەی

ناوچەیل ناوڕاس بەرزترین پلەی گەرمیەگەی هاناوەین 38-39°س،

لەباشوور کەشوهەوا زیاتر گەرمە وە پلەی  گەرمی ناوەین 43-45°س،

پلەی گەرمی لە باکوور مامناوەندە هاناوەین   34-38°س.

دیاریکرد "داوەزیانەگە وەختانەس، باوجی وەرجە ئەوەگ تاوسان ئاسایی باێد هچانیگ وەرگرێد".