شەفەق نیوز/ بارەگای حزب شیوعی عراقی لە پارێزگای نەجەف، ئمڕوو جمعە، کەفتە وەر پەلاماریگ وە بومب ئاگری وگولە لەلایەن چەکدارەیلیگ نەناسریاگ، وەبی زەخمداربوینیگ.

حزبەگە لە بەیاننامەیگ رەسیە ئاژانس شەفەق نیوز وت: شەفەق ئمڕوو  بارەگاگەی لە نەجەف کەفتة وەر پەلاماریگ وە بومبەیل مولوتۆف و تەقەکردن لەلایەن چەکدارەیلیگ نەناسریاگ، و لەو وەختەگ شەرمەزار ئی کردەوەی خۆێڕیانە کەیمن، دووپات کەیمن لە مەنینمان لەبان ری کەل ئەرا ئاڵشتکردن گشتگیر و قورتاربوین لە دەسەڵات گەندەڵی و گەندەڵەگان و بکوشەگان.

و داوا لە حکومەت کرد لە گرنگی گیرهاوردن چەک وەدەس دەوڵەت، و گورجەوکردن یاسای حزبەگان و کۆنتڕۆڵکردن ئاسایش جوور پێشەکییگ ئەرا جیوەجیکردن هەڵبژاردن هاتگ، و دەسخوەشی لە وەڵام خێرایی هێزە ئەمنیەگان و تیمەیل وەرگری مەدەنی لە پارێزگاگە کرد، و داوای ئاشکراکردن تاوانبارەگان و سزادانیان کرد.