شەفەق نیوز/ دەسەی ناوخۆیی خۆی شیوعی عراقی لە پارێزگای نەجەف، ئمڕوو یەکشەممە، کەفتە وەر پەلاماریگ وە بومب مولوتۆف ئاگری.

دەسەگە لە بەیاننامەیگ رەسیە ئاژانس شەفەق نیوز وت: لە ساعەت دوو شەفەق ئمڕوو، شەمشەمەکوورەیل تاریکی دووارە دەسدریژی لەبان ماڵ شیوعیلیە و دارە خورما یاەرزەگەیان لە نەجەف کردن، ک مولوتۆف ئاگری ئەرای وەشانن، لەلای خوەیانەو نەوەی کار ناڕێکە توێەنن رخ شیوعیەیلە بووەن، و ویرە و هاندانیان لە قوربانیکردن وەخاتر خاک و نیشتمان کەمەو بکەن، و توانیان لە ئەرک دژایەتی گەندەڵی و گەندەڵەیلە بگرن.

بەیاننامەگە وتیش؛ ئیمە ک شەرمەزار ئی کردوەی تاوانی گوناهدارە کەیمن، هووشدارییش کەیمن ک تەنیا لە ئەنجام شکست وەردەوام حکومەت لە مقیتیکردن هاووڵاتییەیلە وەشیوەی گشتی و بارەگای حزبەگەمان وە تایبەت تیەێد، ئی حزبە ک باوەڕ وە دەوڵەت و یاسا دیرێد و میلیشیا نەیرێد تا پشت وەپی بوەسرد و رخ مەردمەگە وەپی بوەێد.

بەیاننامەگە دووپات کرد ک خەمسەردی و بیباکی لە ئاشکراکردن تاوانبارەیلە و نەهاوردنیان وەرەو دادوەری ئەوەسا قەیرانەگە زیایەو کەێد و وڵاتەگە وەرەو ئاژاوە و خراوەس زیاتر بەێد، و دەرفەتە راسیەگە ئەرا بیناکردن سیستەمیگ دیموکراتی گوما کەێد تا دەسەڵاتداری وە ئاشتەوایی ئاڵشت بکریەێد.