شەفەق نیوز/ پسپۆڕیگ کەشناسی، ئمڕوو دووشەممە،  مەزەنە کرد پلەی گەرمی لە گشت پارێزگایل عراق،  لەماوەی رووژەیل ئایندە داوەزێد، تا لە بەشیگ لە شارەیل بڕەسێدە یەک پلەی سەدی، و داوا لە عراقیەیل کرد ئامادەی خوەیان بکەن. 

عەلی جابر زەیادی ئەرا ئاژانس شەفەق نیوز وت " ئەوەسا وڵاتەگە کەفێدە ژیر پارچەی سەردیگ، لە سوو سێشممەو دەسوەپی کەێد،  و لە ناوڕاس و باکوور وڵاتەگە قۊلەو بوود، و ئیجا لە رووژ چوارشەممە، گشت شارەیل فەرات ناوڕاس و باشوور گرێدەو،  ک پلەی گەرمی ئەرا نزیک ٧ پلە وە رووژانە داوەزێد.   

وتیش: کەشوهەوای نیمچە زمسانی وسەردی تا رووژ جمعە وەردەوام بوود،  وەگەرد وای باکووری خوەرئاوایی، و گەرمی بۊچک شایەت بڕەسێدە یەک پلەی سەدی لە ناوچەیل باکوور.